今次參加咗海事處青年小組安排參觀政府船塢同埋海事處訓練中心嘅活動，帶我哋實地探索海事世界！

當日海事處高級海事主任 Anson化身導師，除咗介紹海事處嘅主要職能，仲講解咗海事主任、海事督察同海事監督呢幾個職系嘅就業機會同發展前景。Anson仲分享咗自己當年「行船」嘅趣聞同點滴，等我哋了解海上工作嘅挑戰同樂趣。現場氣氛既輕鬆又多互動，我哋都踴躍發問，借機會了解更多！

親身體驗船舶模擬操作嘅環節非常興奮，我哋喺虛擬大海上感受掌舵航行嘅緊張滋味同樂趣！海事監督職系嘅同事仲分享海上交通小知識，教大家睇航標、學航行規則，等大家深入了解海上交通安全嘅重要性。

最後我哋更有機會行埋入橡皮艇維修工場，觀察專業技術人員點樣幫政府船隊嘅橡皮艇做檢查同保養，詳細了解維修工作嘅每個細節。

如果大家都有興趣參觀海事設施或瞭解航運業運作，記得到以下網址登記成為海事處青年小組會員，一齊參加海事處青年小組定期舉行嘅參觀活動和就業講座。

https://mdyouthgroup.mardep.gov.hk/tc/join-us/index.html

海事處青年小組亦歡迎有興趣嘅團體參加者電郵到 mdyouth@mardep.gov.hk，相關同事會進一步和貴機構聯絡安排有關活動。