趁住就放復活節假期，我去咗WISTA舉辦嘅活動，參觀現代貨箱碼頭有限公司。今次喺我第一次參觀貨櫃碼頭，覺得好有新鮮感！

現代貨箱碼頭搵咗企業事務部嘅Elin為我哋介紹現代貨箱碼頭嘅歴史、業務同公司架構。現代貨箱碼頭喺香港經營碼頭超過50年，係香港最悠久嘅貨櫃碼頭營運商之一，業務包括貨箱碼頭營運和貨倉租賃，每年處理達700萬個標準箱。近年，現代貨箱碼頭推行氫化植物油試驗項目，係第一間使用可再生柴油嘅公司。

之後，我哋上到黎控制中心，實際了解貨櫃碼頭嘅營運情況同運作流程，喺呢到仲可以俯瞰到成個貨櫃碼頭，觀察起重機起卸貨櫃嘅過程，我哋仲趁機會影咗好多靚相。Elin仲同我分享行業前景同最新發展，例如碼頭已經開始推行數碼化操作，提升香港港口競爭力。

最後多謝WITSA嘅邀請，估唔到呢次嘅參觀係咁有趣！